ضربة لحرية التعبير ف البلاد: حل جمعية جذور بسبب برنامج 1dîner,2cons

حكمت المحكمة الادارية ف كازا نهار26 دجنبر بحل حمعية جذور الثقافية حسب مقال في موقع لوديسك.
والسبب ديال هاد الحل مرتبط بتصوير برنامج « 1 dîner, 2 cons, » اللي هو برنامج كايبث على اليوتوب و كايقدمو امين بلغازي و يوسف بلمودن و يستضيف العديد من الناشطين و الفنانين للتعليق على الحياة السياسية فالمغرب بالدارجة و بدون طابوهات و بعفوية كبيرة كايخدو فيها الضيوف راحتهم..البرنامج عرف نجاح كبير نافس اكبر البرامج ف القنوات العمومية.
وحسب مصادر فان القرار ديال حل الجمعية جاء بعد ان خصصت اخر حلقة لنقاش الخطاب الملكي الشي للي جعل السلطات تبدا تحقيقاتها مع الجمعية اللي كتحتضن تصوير هاد البرنامج لمرتين.
للاشارة فأن الدستور القديم هو اللي فيه فصل خاص كايقول بلي لا تجوز مناقشة الخطب الملكية و الفصل اساسا كايستهدف البرلمان ماشي عامة الشعب.
تفاصيل الحكم القاسي بحل الجمعية مزال مابانتش كليا و واش غادي يتم توقيف البرنامج ايضا ولا لا.. “كود” غادي ترجع لهاد الموضوع.