النقابة ديال صناعة الكاز والبترول كترد على الرباح بخصوص لاسامير

ماتعطلاتش النقابة الوطنية ديال صناعة الكاز والبترول فالرد على تصريح الرباح لي دار اليوم الثلاثاء قدام مجلس المستشارين، ملي قال بلي الحكومة “مغاديش يمكن ليها بأي حال من الأحوال تتدخل باش تنقذ “لاسامير”.
الحسين اليماني، الكاتب العام ديال النقابة، قال ف بيان، توصلت به “كود: واش كيعرف الرباح بأن الكونفدرالية خاضت اضرابا لمدة 35 يوم سنة 1989 وأسقطت سامير من اللاّئحة الاولى للخوصصة وراه خاصو يراجع التاريخ النضالي للكونفدرالية في التنديد بالانزلاقات من بعد الخوصصة وبعد الحريق وبعد تهرب المستثمر من تنفيذ استثماراته المنصوص عليها في دفتر الخوصصة”.
وزاد: “واش كيعرف الرباح القانون المنظم للخوصصة في المغرب بمعنى هل ستتفق الدولة مع عمال فندق المامونية ومحطة تهدارت قبل خوصصتهما. ولكننا نتفهم الدفاع المستميت لصاحبنا على صاحبه، حتى لا يغضب مول الحكومة وتتفكك الأغلبية”.