الرميد لوهبي: بغيتو تخلقو مواجهة بين العدالة والتنمية والدولة وبغيتو تكونو شوكا ومغاديش نعاود نحضر معاك لشي ندوة

مصطفى الرميد وزير الدولة المكلف بحقوق الإنسان اعطا كلام قاصح بزايد للبرلماني البامي المثير للجدل عبد اللطيف وهبي. وخطاب الوزير الرميد خلال واحد الندوة دارها موقع “العمق المغربي” بالمناسبة ديال الذكرى الثالثة لتأسيسه: “مغاديش نعاود نحضر معاك فشي ندوة أخرى حقاش تحرف النقاش وتجرنا جرّا”.
وأضاف الوزير الرميد مخاطبا البرلماني وهبي: “المغرب ماشي هو حزب العدالة الوتنمية والمغرب اكبرمنو. وراه عندي بزاف منقوليك وكلام صعيب لكن غادي نتجاوز وحزب الأصالة والمعاصرة بغا يكون شوكة وجزء من المشكل وأفهم أنكم بغيتو ديرو مواجهة بين الدولة والعدالة والتنمية وراه خاصك تعرف نحن جزء من الأغلبية”.
وزاد الرميد: “ويلا كونتو فالحكومة شنو غادي تديرو. وانتوما أصلا مدرتوش حتى فالحزب ديالكوم عاد تديرو فالحكومة”.