عاجل. ها هو برنماج الرئيس الفرنسي ماكرون لتدشين التيجيفي

الملك محمد السادس والرئيس إيمانويل ماكرون، غادي يدشنو ليوم بمدينة طنجة، أول قطار فائق السرعة بإفريقيا “التيجيفي”.
وها البرنماج ديال ايمانويل ماكرون ليوم كيف توصلات بيه جريدة “گود”:
ماكرون غادي يوصل لمطار الرباط سلا في الساعة 13.00، وغادي يجري مقابلة قصيرة مع الملك محمد السادس، ومع 13.30 غيتوجهو إلى محطة طنجة المدينة من أجل الاشراف على تدشين الخط فائق السرعة.
غايوصلو لمحطة طنجة مع 13.45 وتما غتبدا الاحتفالات بتدشين التيجيفي، وغاتسالي جوايه 14.45، باش يتوجهو للسيارة الملكية وتبدا جولة مصورة، وفي الطريق غيعرض الملك محمد السادس على ماكرون للغدا.
مع الساعة 15.45 غادي يوصل التيجيفي لمحطة الرباط، وغادي يديرو المدير ديال الoncf والمدير ديال الsncf تقديم للملك وماكرون على القطار الفائق السرعة الي سماه محمد السادس “البراق”.
مع 16.05 غادي يتوجه الرئيس الفرنسي لمطار الرباط سلا باش يرجع لفرنسا.