واش كتراضي حزب الإستقلال. تلفزة العيون دايرة تغطية كاملة مكمولة لمنتدى الأعمال‎

تلفزة العيون الجهوية رجعات للساحة مجددا وداخلة بثقلها فتغطية أشغال منتدى الأعمال المغرب-فرنسا، حيث جندت وفقا لمتابعة “كود” طاقم كبير من الصحافيين والتقنيين على حد سواء.
ونجحت القناة في تأمين تغطية كاملة مكمولة وشملت هاد التغطية تقارير وروبورطاجات وتسجيلات كاملة لأشغال المنتدى ستُبث تباعا، وبالإضافة لذلك قدمت القناة تغطية مباشرة لمنتدى الأعمال، إذ خصصت له بثا مباشرا نشَّطه صحافي ابن الصحراء عالي الكبش، ولي حيح فالمباشر، وخلا الطايح كتر من النايض وتصاورو دارو مزيان فمجموعات الواتساب والفيسبوك.
هادشي كلشي حسب متابعين يحيل على محاولة القناة جبر خاطر حزب الإستقلال الذي يرأس المجلس الجهوي العيون الساقية الحمراء المنظم للحدث، إذ سبق وشن مناصرو الميزان حملة “فيسبوكية” واسعة ضدها بذريعة أنها تخلفت عن تأمين تغطية مزيانة لاحتفالات النقابة ديالو بعيد العمال الموافق للفاتح من ماي الماضي، وزيد عليه حتى المؤتمرات الجإقليمية ديال الحزب في شهر شتنبر الماضي.
دابا قناة “العيون” خايبة باش ما كتغظيش ليكم يا الاستقلاليين وباش كيدير تغطية ديالها لنشاطكم كتولي احسن قناة.