الوزير بنعبد القادر ل”كود”: الدراسة اللّي درنا على الساعة غادي تخرج قريب وكولشي غادي يطالع عليها

أكد محمد بنعبد القادر الوزير المنتدب لدى رئيس الحكومة المكلف باصلاح الادارة والوظيفة العمومية، في تصريح ل”كود”، أن الدراسة التقييمية التي أعدت لترسيم العمل بالتوقيت الصيفي طيلة السنة، سيتم نشرها خلال الأيام القليلة المقبلة.
وأضاف الوزير بنعبد القادر: “الدراسة غادي نقدموها للصحافة واللّي بغا يشكك فيها منحقو راه حرية التعبير مضمونة فالمغرب ونحن فالمراحل الأخيرة باش نوصلوها للمغاربة وعندنا النتائج الأولية وفيها 8 ديال المضامين وحنا راه ناس مسؤولين ماشي كنلعبو”.
وتسائل المسؤول الحكومي بنعبد القادر قائلاً: “مفهمناش علاش هاد الزوبعة ناضت على هاد الدراسة وراه خاص الرأي العام يعرف أنه كاين عدد من القطاعات الحكومية كدير الدراسات ديالها، ويلا كانت هاد الدراسة اللّي تابعة للقطاع ديالي غادي تخرج باش يشوفوها المغاربة هذا راه شرف ليا”.
وأبرز الوزير بنعبد القادر: “راه كاين مساطر ومرسوم فهادشي ومني غادي نساليو شغالنا قريب غادي نخرجو الدراسة وغادي يطالعو عليها البرلمانيين والصحفيين والرأي العام وغادي نهضرو حتى على أهم ما جاء فيها، من قبيل اقتصاد الطاقة واضطرابات النوم”.