بلجيكا حيدات الجنسية لجوج مغاربا ارهابيين مليكة اعروض و كمال افتيت.. وغاتردهم للمغرب

بعد دخول القانون الجديد حيز التطبيق في بلجيكا، حيدو الجنسية وغيروفوليو جوج ارهابيين مشدودين دابا في الحبس. والمعنيين بالامر مغاربة، اللولة هي مليكة العروض الملقبة ب “الارملة السوداء” ديال الجهاد، ومرات الي قتل احمد شاه مسعود ف 2011، وكتعتبر من قيادات القاعدة ثم داعش، اي عنصر خطير بزاف.
والثاني هو كمال افتات، مغربي تزاد فبلجيكا، والناطق الرسمي ديال Sharia4Belgium، واحد من اكبر المتطرفين فالبلاد.
هاد الاجراء فرحو به اليمينيين البلجكيين حيث غادي يتهناو من صداع هاد الداعشيين، ولكن السؤال الي كيتطرح هو واش غيقررو يسيفطوهم للمغرب، ولا لا، لحد الساعة ماحددو… وبالنسبة لمليكة ، موقع بلجيكي قال انه يقدر ترحل للمغرب الاسبوع الجاي الا عطاتها القنصلية المغربية ليسي باسي او باسبور.
والسؤال الثاني هو علاش يقبل بهم المغرب..حنا ماعندنا علاقة بهم، هما ارهابيين وداعيشيين ديالهم، تما تزادو وكبرو وترباو، اذا علاش غنقبلو حنا بالمجريمين ديال وحداخرين غير حيت عندهم جنسية ثانية اللي هي ديال المغرب، واخا ماعندنا علاقة بيهم.