بنعرفة شوه فافتتاح البرلمان. دخل بعد الملك وهاد الشي كيبين الريتم اللي غادي بيه هو وريتم رئيس الدولة: كاين ديكالاج

بنعرفة رئيس حكومتنا المفدى البارح دخل للبرلمان معطل. السيد وصل بعد ما بدا لفقيه كيقرا القرأن اي ان الملك محمد السادس وصل كيف جا فالبيان الرسمي مع الخمسة وبدا الافتتاح فهاداك الوقت. الامين العام لحزب العدالة والتنمية رئيس الحكومة كان مجمع مع صحابو وتايق باللي الملك غادي يجي معطل. الساعة وصل فالقوت وهو جا معطل. كلشي شاف تعطيلتو البارح فالبرلمان فالرباط.
هاد التعطيلة كيبين الايقاع اللي خدام فيه رئيس الحكومة وايقاع رئيس الدولة. كلها وايقاعو. بنعرفة داير بشعار رخاها الله واللي بغى يوصل العام طويل. ما مسوقش. حقاش ما يستحقش يكون فهاداك المنصب ما حفى فيه الصباط ما عرق عليه ما دار عليه انتخابات. طبيعي يكون معطل فكلشي. الديكالاج باين