نبيل بنعبد الله ل”كود”: يلا مكاينش إلتزامات واضحة معندنا منديرو فالحكومة

بعد مطالبته بضرورة عقد اجتماع عاجل مع سعد الدين العثماني، رئيس الحكومة، قال محمد نبيل بنعبد الله، الأمين العام لحزب التقدم والاشتراكية، أن حزبه يعتبر أن المشاركة ديالو فالحكومة عندها علاقة بمشروع إصلاحي سواء مع العثماني او بنكيران او الفاسي او غيرهوم.
وزاد الأمين العام لحزب “البي بي إس”، قائلاً: “يلا غادي نواصلو فالحكومة مع العثماني غادي نواصلو على التزامات واضحة عندها علاقة بمشروع الإصلاح ويلا مكايناش هادشي راه معندنا منديرو فالحكومة”.
وبخصوص اللقاء اللّي طلبو مع رئيس الحكومة، ختم بنعبد الله تصريحه مع “كود” بالقول: “صحيح غادي يكون لقاء بعد عودة العثماني من نيويورك وغادي نتناقشو على كيفاش كيشوفو المسقبل”.