خاص.. (البي بي إس) مزال مقرر واش غادي يبقا فالحكومة.. بنعبد الله ل”كود”: غادي ناخدو مبادرات سياسية وها شكون غادي يحدد استمرارنا فالحكومة

يبدو أن حزب التقدم والاشتراكية مزال معارف واش غادي يستمر فحكومة بنعرفة أو غادي يخرج براسو مهزوز بعد الأزمة اللّي خلقها الحذف ديال حقيبة شرفات افيلالت من هيكلة الحكومة، وعدم تقديم رئيس الحكومة توضحات مقنعة وواضحة لقادة “البي بي إس” اللّي مزال مجروحين من الجهة ديال شرفات.
وقال محمد نبيل بنعبد الله، الأمين العام لحزب البي بي إس، في تصريح خصّ به “كود”، أن “حزبه غادي ياخد مبادرات سياسية إزاء لرئيس الحكومة والأمانة العامة لحزب العدالة والتنمية من أجل مناقشة مسار المشروع الإصلاحي اللّي قال أنه يؤسّس تحالفهم المشترك وعلى هاد الأساس غادي ياخد الحزب ديالو الموقع ديالو”.
وأضاف زعيم التقدم والاشتراكية، قائلاً: “نحن دخلنا للحكومة من أجل مشروع واضح وماشي من أجل مقاعد أو حقائب، فلذاك المحدد النهائي في استمرارنا في الحكومة سيكون هو أين يسير مسار الإصلاح”.