جبن ابن عرفة وقتله للسياسة. وافق على وزير مالية ما عندو علاقة بالسياسة وحيد وزيرة من حزب تحالف معاه وعاونو باش كان كي المجراب كلشي هارب منو

رئيس الحكومة اللي ما فيدوش قدم اقتراح للملك باش يتم اعفاء شرفات افيلال كاتبة الدولة المكلفة لدى وزير التجهيز والنقل والماء المكلفة بالماء. هاد الشي اللي جا فبيان الديوان الملكي.
اش كيعني هادا سياسيا؟ ان الامين العام لحزب العدالة والتنمية اللي هور رئيس الحكومة تعامل بطريقة اقل ما يقال عنها ديال الجبنا باش تخلى على حليف كان معاه وقت الشدة. حليف اللي بوحدو كان مع الحزب باش كان حزبو كي المجراب وتعطات اوامر باش ما يقرب منو حتى حد.
دابا فهاد الظروف جا لاحو وضرب الحزب.
شرفات افيلال كانت ربما كاتبة الدولة الوحيدة من هادوك كتاب الدولة اللي كتحرك واللي طالبات من بنعرفة يحدد اختصاصها. كما ان لقاء حزبي سابق بين التقدم والاشتراكية والعدالة والتنمية اثير هاد الموضوع. موضوع اختصاصات شرفات افيلال. باعتباره رئيس حكومة لا يهش ولا ينش كيف كيقولو٬ ناض جرا عليها وضرب حزب ديما وقف معاه.
دابا هاد بنعرفة كون فيديو يحيد هادوك كاتبات الدولة اللي بالفعل ما كيديرو والو ما كيتحركوش ما كيخدموش وشي وحدين مقابلين مصالحهم والدولة عارفاهم.