ها افضل مدن تقدر تعيش فيهم ف 2018.. كازا فاالمركز 115

موقع “إيكونوميست إنتليجينس”، كشفو على المؤشر العالمي لرفاهية العيش ديال 2018، الي كيعتامدو فيه على معايير كثيرة، من بينها الاستقرار السياسي والاجتماعي، ومعدل الجرائم، والتعليم، والرعاية الاجتماعية.
وجات الدار البيضاء فالمركز 115 عالميا. وفمنطقة “مينا” جات دبي فالمركز الأول و69 عالميا، بعدها أبو ظبي فالمركز 71 عالميا، والدوحة فالمركز 87، وتونس العاصمة في المركز 106، والرياض فالمركز 108، والقاهرة فالمركز 123، اما الجزائر جات فالتالي ديال الترتيب فالمركز 132، متبوعة بليبيا فالمركز 134.
وأسوأ 10 مدن تقدر تعيش فيها ف2018 هي: دمشق (سوريا)، ودكا (بنغلاديش)، ولاغوس (نيجيريا)، وكراتشي (باكستان)، وبورت مورسبي (بابوا غينيا الجديدة)، وهراري (زيمبابوي)، وطرابلس (ليبيا)، ودوالا (الكاميرون)، والجزائر (العاصمة)، وداكار (السنغال).
وأفضل 10 مدن يمكن للواحد يعيش فيها هي: فيينا (النمسا)، وملبورن، (أستراليا)، وأوساكا (اليابان)، وكالغاري (كندا)، وسيدني (أستراليا)، وفانكوفر (كندا)، وطوكيو (اليابان)، وتورنتو (كندا)، وكوبنهاغن (الدنمارك)، وأديلايد (أستراليا).