خسارة كبيرة للثقافة الشعبية في المغرب قشبال لي كان مع زروال توفى ليوم

قشبال وزروال من أول الثنائيات الكوميدية العروبية فالمغرب، ولي كانو كيضحكو المغاربة بلا مايتعوجو أو يهينو الثقافة ديال البادية، وضحكو وطربو ونغمو اجيال ديال المغاربة وخلاوهم يعتزو بثقافتهم وبأصولهم العروبية، هاد الثنائي لي وصل للتلفازة وللمغاربة حيت يستاحق وحيت حبوه المغاربة ماشي حيت تفرض عليهم ، كيما دار البصري مع العديد من الكوميديين لي باقين لحد الآن مستعمرين التيليفزيون وزعمة راه كيمثلو الكوميدية العروبية، لي كيسيئو ليها كثر ملي كيضحكو بيها,
ليوم فقدنا الكوميدي قشبال ” محمد بشر” لي ودعنا عن سن 86لي كيتعتابر خسارة للمغاربة وللثقافة الشعبية ديالهم، هاد الكوميدي ولد الشاوية لي تزاد وكبر وعاش فيها حتى مات، ولي عمرو تنكر لهاد المنطقة وعطاها بزاف بزاف، وحتى ملي ولاو يجيبوه وهو وقشبال للتلفازة معشش فيها، وتعامل بكبرياء شاوي حقيقي كيسجل ويرجع للسطات على غير عادة بزاف ديال الفنانين.