فضيحة فقلب مهرجان الراي وصلات للقضاء. راجل المغنية لعروسي عاير صحافيات: انتوما عاهرات

راجل فاطم الزهراء العروسي، اللي فاشلة فكلشي، فالتمثيل وفالغنا، واللي كا تلصق على المهرجانات والحفلات، عاير الصحافيات اللي فمهرجان الراي من بعد الندوة ديال مراتو، ووصفهم بالعاهرات وفق ما عاينت “كود”.
كيف شافت “كود” السيد دار سكاندال فالفندق من بعد ما عاير واحد الصحافية وقال ليها بوزبال لأنه ما عجبوش الحال حيت ما سلماتش على مراتو وما تصوراتش معاها وما كبراتش ليها البعرة.
العروسي، اللي غا تغني الليلة فلاسين الصغيرة ديال المهرجان، اللي كا يغنيو فيها المغنين الصغار، دخلات الندوة معفرة وما حيداتش النضاضر ديال الشمش وبقات كا تعوج على الصحافة ورفضات تدير ندوة ديالها مع الفنان الشاب نصر ميكري وطلبات ندوة ديالها بوحدها واخا ما كانتش مبرمجة فالفيستيفال.
الصحافية اللي عايرها راجل العروسي غا تديبوزي بلانت فالكوميسارية بالسب والشتم والقذف وفق مصدر “كود”