محمد السادس تعشى مع اخنوش. رئيس الاحرار رجع للنشاط بعد حرب قذرة قادوها ضدو شي وحدين فالدولة

افاد الموقع الاخباري “برلمان” ان عزيز اخنوش رئيس التجمع الوطني للاحرار تعشى مع الملك محمد السادس يوم الخميس الماضي بمقر الاقامة الملكية بتطوان. لعشا عندو اكثر من دلالة. عشا جا عندو معنى بزاف. هاد الشي اللي كيفسر الحماس لكبير اللي كان فالمكتب السياسي الاخير للتجمع الوطني للاحرار فطنجة. شكل عودة لاخنوش بعد فترة كان رجع للاور باش يفهم اش وقع.
اخنوش تعرض لحملة مسعورة ضرباتو وهاجماتو. الحملة جات من ناس فالدولة ماشي غير من خصوم سياسيين. هادوك ضربوه وقادو حملة ضدو وشعلو العافية فوسائط التواصل الاجتماعي.
دابا الامور بدات ترجع شوية بالشوية. غير بلا ما يخلصو هادوك للي حاربوه من الدولة لحساب٬ ما يمكنش تطوى الصفحة