مغربي جاب أعلى معدل فالباك في فرنسا

تلميذ مغربي عايش ففرانسا سميتو “بلال بورادوس” جاب أعلى نقطة في امتحانات الباكالوريا ديال هاد العام على الصعيد الوطني.
وجاب المغربي الي عندو 17 لعام 19.15/20 في الباك.
وقال بلال في تصريحاتو الاعلامية، أنه كان يراجع الدروس ديالو يوميا، وكيخصص ساعة كل نهار للماط والفيزيك.
وكيقرا المغربي شعبة العلوم بثانوية “Bernard-Palissy”، وباغي يلتاحق بكلية العلوم القانونية، ويحقق من بعدو الحلم ديالو ويدخل للمدرسة العليا.