الاساتذة المتعاقدين مامربينش وتعداو على طاقم القناة الثانية بالسبان.. واخا تكون الحرب الصحافة كتبقا صحافة خصها تحترم وخاص متابعة كل من يتطاول عليها

كاين فرق بين النضال بطرق ابداعية ومحترمة وبين الهمجية، اليوم دارو الاساتذة المتعاقدين شوهة كبيرة فمراكش جاو تا لبلاصة لي فيها السياحة وكيحتجو فيها في اسلوب جديد من الابتزاز واخا هوما لي فيهم ديفو من الاول ملي مشاو دوزو مباريات التعاقد ودبا كيطلبو بالترسيم.
الفضيحة الثانية ولي ماشي اخلاقية، تعامل ديالهم مع الصحافة، بالغوات والسبان وصل الى درجة مصور دوزيم لي كان ديما كايدير ليهم تغطيات صحافية مزيانة وكلا العصا معهم فالرباط.
المصور الصحافي احمد راشيد كان اليوم ضحية لاسلوب ديال البراهش فالنضال، حيث الواجب الاخلاقي هي ان الصحافة عندها مكانة خاصة فالتغطيات..
وراه فالحروب بين الدول لي كاتنوض فيها المقاتلة الصحافيين عندهم مكانة واخا يكونو من دولة العدو؛ شوفو غير في حرب العراق او حرب فلسطين كيفاش اسرائيل ملي كتهجم كتحاول تخلي مسافة من الصحافيين.