كريستيانو دارو ليه تمثال جديد.. وهاد المرة كييشبهلو (صور)

بعد السخرية والإنتقادات لي شكل تمثال كريستيانو رونالدو ، أكدات وسائل إعلام برتغالية ، أن نجم البرتغال حصل على تمثال جديد كيشبهو بزاف هاد المرة.
وقالت أنه للحب الكبير لي كيكنوه البرتغاليين لهاذ اللاعب ، لي تربع على عرش أحسن لاعب فالعالم لخمس مرات، قامو فالبرتغال بتغيير إسم مطار جزيرة “ماديرا” مسقط رأس اللاعب ، بالإضافة إلى أنهم وضعو ليه تمثال برونزي كيجسد نجم البرتغال الأول دون منازع، لكن هذا التمثال آثار بزاف ديال الانتقادات والسخرية ، حيت مكيشبهش رونالدو.
وقالت نفس المصادر، أن استبدال تمثال رونالدو بواحد جديد ، تنفد فأولى مباريات المنتخب البرتغالي فمونديال روسيا أمام المنافس إسبانيا، الي تألق فيها رونالدو بشكل لافت ، وسجل أول “هاتريك” ليه فأكبر عرس كروي عالمي.
وكنتمناوهاذ الثمتال يكون فأل نحس على اللاعب ، لي كيستعد لقيادة البرتغال فالماتش الثاني الأربعاء الجاي ، أمام المنتخب الوطني المغربي، الي غايقتاتل للفوز و الخروج بنتيجة إيجابية ، تبقي على حظوظ الأسود فالتأهل إلى الدور الثاني .