الرسام إنيستا ختار يلعب عند الشينوا والصفقة داخل فيها 2 مليون قرعة ديال الشراب

أكدات تقارير صحفية اسبانية أن اللاعب إنيستا لاعب منتخب إسبانيا ونادي برشلونة، قرر ينتاقل للصين الصيف الجاي بعد انتهاء العقد ديالو مع برشلونة و حبس التكهنات الي قالت انه غايجدد مع البلوغرانا.
وقالت التقارير أنه غادي يعلن قراره النهائي في نهاية هاذ الأسبوع بعد ماتش نهائي كأس الملك امام إشبيلية.
وصرحات صحيفة ماركا الاسبانية، ان الي ضغط على الرسام إنييستا ،باش يتاخد هاذ القرار هو أن شراب “بوديغا انييستا” دخل فالصفقة، بحيت غايتم استقدام 2 مليون قرعة ديال الشراب من معمل انييستا للسوق الصينية للترويج ليه، وفحالة نجح تما فغادي يربح بزاف.