باينة غضبة علي الوالي اليعقوبي وكبيرة. شفتو التبرهيش ورفع شعارات حدا الملك اش كيدير. محمد السادس ما فطرش فطنجة واخا كلشي كان واجد وغير سالى التدشينات رجع للرباط

علمت “كود” ان الملك محمد السادس غادر مدينة طنجة قبل اذان المغرب. فمباشرة بعد تديشين “ميناء الصيد البحري والميناء الترفيهي الجديدين” ثم “تدشين مركز لطب الادمان بنفس المدينة” عاد خرج من طنجة. وفق مصدر “كود” فقد كان كلشي موجد باش يفطر تماك ويصلي كاع الجمعة.
يبدو ان هادي غضبة كبيرة. من اللي غادين يخلصوها الوالي اليعقوبي. الداخلية كتكلف بهاد الشي. الملك محمد السادس وهو كيدشن ميناء الصيد البحري شاف وسمع شعارات سياسية من مواطنين كانو قراب ليه بزاف فيها: “عاش الملك. ارحل اخنوش”.
وفق مصدر حضر التدشين ل”كود” فان مدير موقع محلي عندو علاقة اكثر من وثيقة مع ال العماري هو اللي صور. المصدر اوضح ل”كود” ان عدد اللي رفعو شعارات كان شي 8 وان اللي صورهم وكان وراهم هو مول الموقع المحلي. المصدر اللي ما عندوش مع الاحرار فطنجة اكد ل”كود” “كلشي باين. كيفاش وصلو وكيفاش تصورو وكيفاش دازت الرسالة. هاد الشي مخدوم”.