قضية بوعشرين. حتى لارام حيدات “اخبار اليوم” من صالونها فمطار محمد الخامس

غريب هاد الشي اللي كيوقع لجريدة “اخبار اليوم” وكان كلشي باغي يسالي معاها ولقاها مناسبة من الصحافيين حتى لجهات اخرى. اذ اكد شاهد عيان ل”كود” ان الجريدة اختفت كليا عن الصالون الخاص بصحاب الدرجة الاولى وبطاقات سفر فلاير. فصباح امس السبت قال المصدر ل”كود” انه دخل للقاعة ولقى كاع الصحف اليومية المغربية اللي مولف يلقاها باستثناء “اخباراليوم”. السيد سول وقالت ليه البنت اللي تماك “ما جابوهاش لينا”.
اختفاء اليومية بهاد الطريقة مثير للاستغراب من مؤسسة كتقدم خدمة. علاش كاع صحف العالم موجودة واليومية المغربية غبروها