عدو كيتعدى على لارام. 7 مدراء كبار قاريين عليه راسلوه: راك غادي بالشركة للهاوية وعاقبهم بالبريم وها اش دارو

عدو المدير العام للخطوط الجوية الملكية اللي جابو ولي نعمتو ياسر الزناكي اللي تعرف عليه باش كان وزير فالسياحة قبل ما يولي مستشار للملك٬ كيتعدى على هاد الشركة. هاد المسؤول مقلق كلشي فهاد الشركة. كيخدم بوحدو عبر التعليمات اللي كياخدها من عند اللي جابوه وصافي.
وفقد علمت “كود” ان 7 من مدراء الشركة اللي قاريين عليه بزاف بزاف رسلو ليه رسالة باش يقولو ليه اودي راه الشركة غادية للهاوية. راك كتسيرها كيف بغيتي. ما كتدير اجتماعات ما كتناقش القرارات. المدير وفق مصدر “كود” بغى ينتاقم منهم. ما يقدرش يجري عليهم. اش دار حيد ليهم لبريمات.
وفق مصدر “كود” جوج قافزين من هادو عندهم ديبلومات كبار مشاو فحالهم.
هاد المسؤولين استغربو حتى من تصريحاتو الصحافية اللي قال باللي من هنا لعامين غادي يدوبل لافلوط ديال لارام “اكثر المتفائلين كيكولو ايلى هاد السيد جاب غير جوج طيارات زايدة راه انجاز. داك التصريح خطير وكيبين مستواه وجهلو للشركة” يشرح مصدر “كود”.