صحفيون وتقنيون فراديو بلوس بفاس قالو انهم تطردو من مقر عملهم وها شنو قال المدير العام العدوي ل”كود”

علمت “كود”، أن إدارة شبكة “راديو بلوس”، أقدمت اليوم الأربعاء، على طرد جميع صحفيّي وتنقي الإذاعة بمدينة فاس. وحسب أحد الزملاء الصحفيين المطردوين، ل”كود”، فإنه تفاجئوا بمنعهم من ولوج مقر عملهم من طرف حراس الأمن الخاص.
وتابع الصحفي، قائلاً: “تعرضنا لطرد تعسفي بشكل جماعي حقاش طالبنا بتسوية الوضعية ديالنا ونتقاضى أجور هزيلة ومكاين لا ضمان اجتماعي لا والو ومهددون الآن بالتشرد وننتظر دبا شنو غادي يديرو معانا”.
من جهته، أوضح المدير العام ل”راديو بلوس”، أن “هاد الصحفيين والتقنيين معندهوم حتى شي عقد مع المؤسسة وكانو خدامين متعاونين لا أكثر. وأضاف قائلاً: “لي كيخدم كيكون عندو عقد هادشي لي كنعرف ومكاين لا طرد لا والو حنا ماشي ف زريبة وكاين مفتش الشغل وكاين قوانين فهاد لبلاد”.
يشار إلى أن المكتب الجهوي ل”راديو بلوس” بفاس يضمن الصحفيين محمد بنيحيى، تورية البلوج، بالإضافة إلى التقنيين جمال دحمان، صلاح الدين فرحاتي. وكانو خدامين هادي اكثر من ست سنوات فهاد المحطة لي كتحظى بنسبة كبيرة ديال الاستماع سيما أنها تعنى بتدبير الشأن المحلي والمشاكل ديال المواطن الفاسي.