مغربي ولد الناس. لقى صاك ديال جزائري فيه الملاين فمطار “أورلي” بفرنسا ورجعو لمولاه (فيديو)

لقى مهاجر مغربي ففرنسا، صاك فمطار “أورلي” بالعاصمة باريس، مولاه جزائري، وداخل هاد الصاك مجموعة من الأغراض الخاصة بالشخص، منها باسبورات ومحموعة ديال النضاضر الطبية ، ومبلغ مالي مهم 7.500 أورو لي كيعادل أكثر من 8 ملايين سنتيم مغربية.
ولشهامة هاد المغربي قام بالإتصال بيه وخبرو بأنه لقاه، و دار معاه موعد، وعطاه رزقو رافضا يتسلم منو اي مقابل.
وفالفيديو قال المواطن المغربي أن صاحب الحقيبة نساها وسط المطار، وهو راجع من الجزائر لباريس وخدام كطبيب للعيون.