مات رجل هندي وهو كيتفرج ففيلم “Avengers: Infinity War” الجديد فالسينيما

لقاو مسؤولين فالسينما، شخص سميتو “بيداباسوبولا باشا”، وفعمرو 43 عام، ميت وسط مسرح “سينهاب مالتيبلكس”، فمدينة “بروداتور” ، بعدما سالا عرض فيلم “Avengers: Infinity War” لي كان كيتفرج فيه، وقالو أنهم بعدما حيدو ليه نظارات “البعد الثلاثي”، لقاوه ميت وعينيه محلولين .
ومن المرجح أن “بيداباسوبولا باشا” لي كان كيخدم فمجال البناء ،مات لأسباب طبيعية أو نتيجة سكتة قلبية، ولمعرفة الأسباب تم إرسال جثة الهالك لمستشفى حكومي لإجراء تشريح.