الگاز قتل جوج ديال الخوت فطنجة

ماتو جوج ديال الخوت فعمرهم 15 و17 عام نهار الثلاثاء، بسبب إختناقهم بغاز البوتان فدارهم فحي “مغوغة” بمدينة طنجة .
وأفادت مصادر مطلعة، أن الريحة ديال البوتان عطات فالحومة، وهادشي لي نبه الجيران للحادث، وعرفو منين جاية الريحة وكانو غادي يدخلو للدار فمحاولة إنقاذ ما يمكن إنقاذه، لكنهم مقدروش وهنا عيطو على السلطات المحلية.
وفور توصل هاذ الأخيرة بالخبر، جات لعين المكان مرفوقة بمصالح الأمن والشرطة العلمية وعناصر الوقاية المدنية، ولقاو الضحيتين ميتين للأسف، وتم فتح تحقيق فالموضوع للوقوف على الأسباب الحقيقية الي كانت ورا الحادث المؤسف، وتم نقل جثث الهالكين لمستودع الأموات بمستشفى “الدوق دو طوفار” ، لإخضاعهم لتشريح طبي أمرات بيه النيابة العامة .