البقالي انهزم ورضخ لضغوط ورفض منح قاعة النقابة لحامي الدين. الحرب بين البي جي دي والاتحاد وحركوها باميين هي اللي وصلات لهاد القرار

اعلن بيان للنقابة الوطنية للصحافة المغربية وقعه كاتبها العام عبد الله البقالي انه تجنبا للمشاكل فقد تم التراجع عن السماح لجمعية منتدى الكرامة بعقد ندوة صحافية حول محاكمة حامي الدين كان غادية تكون غدا. عبد الله البقالي معروف بمواقفه اللي كتاخد بعين الاعتبار جميع الاحزاب وماشي استئصالي ولا اقصائي. غير فهاد القضية خسرها. خسرها حقاش القضية ماشي قضية ندوة حامي الدين بل صراع توظف فيه الراحل ايت الجيد من قبل الاصالة والمعاصرة ماشي كلهم ولكن جزء من التيار اللي كان جمهوري وفاليسار الراديكالي ودابا متحكم فهاد الحزب.
طبعا اللي كيقرا افتتاحيات رئيس النقابة يونس مجاهد كيبان ليه مستحيل شي واحد بحال حامي الدين فقضية بحال ايت الجيد يدير ندوة فقاعة النقابة. البقالي الاستقلالي اللي عندو علاقة مزيانة مع البي جي دي ومع باقي الاحزاب السياسية =باستثناء البام= كان باغي ولكن ربحوه ناس اخرين متحكمين فالنقابة
القيادي في النقابة اوسيموح كان كتب تدوينة يؤكد انه مع اعطاء القاعة لحامي الدين لكن اصوات بحال هادي كانت قليلة والخاسر هو هاد القطاع اللي حالفين كيسيسوه شي وحدين