وحتى بعدما قتلوه استغلوا اسمو. ابن عرفة مشى يدير حملة وعوض يتكلم على اش دار قال: بنكيران ما ماتش

باينة هادي سياسة من قادة حزب العدالة والتنمية اللي صفاوها لبنكيران او اللي لعبو دور من الادوار باش يقضيوا عليه. اليوم باكادير مشى سعد الدين العثماني او ابن عرفة يدعم مرشح حزبه المتنافس على مقعد في مجلس النواب في بالدشيرة الجهادية عن الانتخابات الجزئية ليوم سابع دجنبر. المفروض فرئيس الحكومة يتكلم على اش دار كيف كان كيدير بنكيران ايامو ولكن ابن عرفة ما هدر غير على بنكيران ومشاكل الحزب.
قال باللي ابن كيران لم ينته، وأن له مكانته المهمة داخل هياكل ومؤسسات الحزب، وسيظل قيادة سياسية وزعيما وطنيا داخل حزب العدالة والتنمية".
واضاف ان بنكيران "لن يتخلى عن الحزب كما أن الحزب لن يتخلى عن ابن كيران، مردفا، أنه لا يستبعد عودة ابن كيران مجددا لقيادة حزب العدالة والتنمية في المراحل المقبلة".
دابا هادي هي خطة تيار الاستوزار. نديرو ما بغينا نجريو عليه باش نحققو مصالحنا ويرجع الحزب حالتو ونعاودو نسلموه لبنكيران.
واش كيحشم ولا اللا وعلاش كيتجبد رئيس الحكومة السابق وهدر على راسك وكيفاش قبلتي تلعب دور فقتلو سياسيا وتجي بوجهك احمر تعاود هاد الكلام.
صحاب البي جي دي المعارضين لقتل بنكيران خرجو فيديو للحملة الاخيرة =الانتخابات التشريعية لسابع اكتوبر= وفيها جا الاف المواطنين لحضور نشاط حزبي بحضور عبد الاله بنكيران واليوم باش مشى ابن عرفة حضرو ليه ناس قلال بزاف. كلشي تغير