ردا على بلكبير للي قال بانو كيعيش حصار امني بنكيران ل"كود": الحراس الله يجازيكم بخير وها اللي وقع والسبب فيه

قال عبد الاله بنكيران الامين العام لحزب العدالة والتنمية ورئيس الحكومة السابق ان سوء فهم كبير وقع خلال زيارة عبد الصمد بلكبير القيادي السابق عن منظمة العمل الديموقراطي الشعبي٬ له في بيته بحي الليمون بالرباط. بنكيران اوضح ل"كود" ان غياب فريد =تيتي سائقه الخاص واللي تشهر بشكل كبير بنشر صور رئيس الحكومة السابق٬ اللي كيعرفو وكيعرف الضيوف اللي كيجيو عندو خلى سوء تفاهم وتغاوت فيها بلكبير مع الحراس. بنكيران اكد ل"كود" ان هاد الحراس كيديرو خدمتهم مزيان وباللي "الله يجازيكم بيخير عليها". كما اثنى عليهم كثيرا على مهنيتهم.
هاد الشي وقع بعد زيارة بلكبير لبيته ومشى للقاء مع شبيبة البي جي دي فقصبة تادلة وقال باللي بنكيران كيعيش حصار امني داخل بيته وانه هو زاره ووجد صعوبة في دخول منزله بعد أن تم منعه من طرف عناصر الأمن"