الوينرز" كيتحلفو على عموتة واللاعبين باش ميخسروش الماتش مع بركان

أصدر فصيل الوينرز المساند لفريق الوداد الرياضي بيان عبر الصفحة الرسمية بالفايسبوك، عبر فيه على ضرورة الفوز في المباراة أمام نهضة بركان.
وحذر البيان اللاعبين من التهاون أو اعتبار المباراة إعدادية للماتش ديالهم مع اتحاد العاصمة، وطلب منهم ضرورة الفوز في المباراة، خصوصا أن آخر كأس عرش ربحوا الوداد كان في 2002، داكشي علاش خاصهم اربحوا باش انافسوا على لقب كأس العرش.
وطلب الوينرز من اللاعبين اللعب بروح قتالية كبيرة، وميتهاونوش في الماتش، خصوصا أن الإقصاء غادي اكون عندو انعكاس سلبي على اللاعبين وحتى الجمهور قبل الماتش لكبير ديال اتحاد العاصمة الجزائري.
وكان الوداد ظهروا بمستوى ضعيف في الماتش ديال الذهاب مع بركان وكانوا خاسرين بهدف لصفر، قبل ميسجل خضروف هدف التعادل في الشوط الثاني.
الوداد ضروري خصهم اسجلوا هدف على الأقل كيف سجلوا عليهم بركان في الذهاب، باش اضمنوا على الأقل المنافسة على التأهل، لأن التعادل بدون أهداف غادي اكون فصالح بركان.