المساعدون ديال عموتة كاعين وباغين امشيو فحالهم بسبب تماطل الناصيري

هدد مسعادو الحسين عوتة، مدرب فريق الوداد الرياضي، بالرحيل على الفريق إلى مخلصهمش الناصيري، الرئيس ديال الوداد.
وخبر رشيد بنمحود وباقي الطاقم المساعد الحسين عموتة بقرارهم، خصوصا أنهم متوصلوش برواتبهم وناوين امشيو فحالهم إلا بقى الوضع كما هو عليه.
الطاقم التقني ديال الوداد بحالو بحال اللاعبين مواخدينش فلوسهم، لا منح التوقيع لا بعض الرواتب، ومع ذلك كيتقاتلوا باش ارحبو عصبة الأبطال الإفريقية، ودرو ماتش مزيان البارح ورجعوا بالتعادل من الجزائر، وغادي احسموا في التأهل ديالهم للمباراة النهائية بالمغرب.
وكيتسالو اللاعبين ديال الوداد منح توقيع من العام لفات، ومنح توقيع هاد العام، وبعض المنح ديال المباريات، ورغم أنهم هضروا مع الناصيري أكثر من مرة إلا أنه مازال معطاهمش فلوسهم وغير كيتهرب عليه.