الوينرز كاعين على الناصيري وقالو ليه نتا ضعيف ومقادرش دافع على الوداد

صدر فصيل الوينرز التابع لفريق الوداد بلاغ كيتاهم فيه رئيس الفريق سعيد الناصيري، بأنه ضعيف، وأنه مقادرش ادافع على مصالح الفرقة ديالو، بعدما وافق على إغلاق ملعب مركب محمد الخامس، رغم أنه عارف أن الوداد عندها ماتش مهم في عصبة الأبطال الإفريقية.
وقالوا الوينزر أن الناصيري خسر بزاف ديال المعارك هاد العام، ونتاقدوه لأنه خلى لعابة مزيانين امشيو، وجاب لعابة مغمورين، على حد وصف الفصيل الودادي.
الوينرز نتاقدوا الناصيري أيضا لأنه رفض الوح بطائق الانخراط، وسياسة التواصل ديال الفريق ضعيفة، مكتخليش الجماهير تعرف أشنو الجديد لعند الفرقة ديالهم.
وكيبان أن العلاقة بين الناصيري والجمهور غادي تزيد تسوء إلى كانوا نتائج سلبية لأن المشاكل بدا تكتبان في الوداد واللاعبين حتى هما طالع ليهم الدم على فلوسهم، لمخداوهمش من العام لفات.
وكيبقى الوداد الرياضي الفريق الوحيد لدار مسيرة مزيانة في الموسمين الماضين، لأنه تأهل لنصف نهائي عصبة الأبطال، ووربح البطولة، ودابا كينافس عوتاني على العصبة.