ظاهريا الزكاة ومساعدة معتقلي اكديم ازيك: ها الجزائر ما بقاتش تعطي لفلوس البوليساريو دارو الصينية العيون باش يمولو انشطتهم

فين ما لقاو الفرصة يستغلوها. هادا هو حال صحاب البوليساريو. هاد المرة اختاروا الزكاة. كاليك اسيدي وفق مصدر حقوقي مطلع ل"كود"، أن محسوبين على جبهة البوليساريو، بداو من البارح من اليوم السبت حملة عبر موقع التواصل الإجتماعي، وهدفها هو جمع زكاة عيد الفطر لمعتقلي اكديم إيزيك.
وكشف المصدر الذي تحدث ل"كود" وباين متعاطف معاهم قال ليك دايرينها باش ندعموهم.
المعتقلون غادين يتقدمو مرة اخرى امام غرفة الجنايات الإستئنافية في سلا بتاريخ الحادي عشر من يوليوز المقبل.
ولفلوس اللي تجمعات فالزكاة؟ قاليك ستسلم لإحدى اللجان المكلفة بتتبع ملف المعتقلي، والمكونة من اقاربهم وذويهم ونشطاء إعلاميين البوليساريو.
ظاهريا كيقولو ندعمو هاد الشباب اللي فالحبس ولكن باينة البوليساريو ما بقاو عندها فلوس الجزائر وقلباتها الصينية فالعيون. كتستغل اية مناسبة باش تجمع لفلوس وتمول بها انشطتها فالعيون