اليزمي ل"كود": حنا دايرين خدمتنا فهادشي اللّي واقع فالحسيمة ونراقب يوميا ايلى كاين شي مس بالحريات الأساسية

أكد رئيس المجلس الوطني لحقوق الإنسان، إدريس اليزمي، في تصريح ل"كود"، أن المجلس يتابع الأوضاع بشكل يومي بمدينة بالحسيمة، ويقوم بتحقيقات عادية فهادشي، مضيفا بالقول: "حيتاش حنا عندنا اختصاصات فحماية الحريات الاساسية وحرية التعبير والتظاهر السلمي ونراقب واش كاين مس بهاد الحريات ويلا بغاو شي مواطنين يشكيو كنسمعلو ليهوم"
وفي ردّه على تصريحات عائلات الموقوفين اللي قالو ان كاين تجاوزات خطيرة أثناء توقيف أبنائهم، أضاف الأزمي، ل"كود"، قائلاً: " حنا كنقومو بالعمل ديالنا ونستمع للناس كولهوم وكنديرو التحقيقات ديالنا فكل الحالات وهذا هو العمل ديالنا فالمؤسسة ومن بعد كنديرو تقارير ويلا كان الامر خاصو يكون تقاطع المعطيات والمصادر والتكييف القانوني هادشي خاصو وقت".
ورفض اليزمي الرد على العثماني رئيس الحكومة اللّي لاح الكرة للمجس الوطني لحقوق الإنسان فهادشي اللّي واقع فالحسيمة، متكيفا بالقول: "حنا كنديرو خدمتنا".