زيان عبر "كود" للملك: كريفي كنحس بالحگرة وخاصكم تحيدو هاد الحكومة. امين عام الحزب الليبرالي اكد ان زيارة الوفد للحسيمة اهانة لهاد الشعب

قال محمد زيان الامين العام للحزب الليبرالي المغربي ل"كود" ان زيارة الوفد الوزاري يوم امس للحسيمة "غير الخوا الخاوي" واكد ان هاد الوزراء كان عليهم على الاقل يعتاذرو لسكان الريف على السبان اللي سبوهم. زيان قال ل"كود" "انا كريفي كنحس بالحگرة. كنحس باللي مغاربة خاريين علينا. خاص رد الاعتبار لينا. راه ما يمكنش لينا نقبلو باقل من الاعتذار ويشرحو لينا شكون ورطهم. هادي دولة هادي".
زيان قال ل"كود" ان هذه القضية "خطيرة وخطيرة جدا" واوضح ان "الريف ماشي بلاصة للعب" وحذر من استفزاز ساكنته "راهم كيشكلو شعب".
زيان طالب من الملك محمد السادس يحيد هاد الحكومة ويعاود الانتخابات. عدا ذلك يضيف زيان ل"كود" "غير كنرقعو وغادين نمشيو للحيط"