شكون باغي الخدمة فعمدة فاس إدريس الأزمي الإدريسي القيادي البارز في صفوف حزب العدالة والتنمية؟. اليوم الأربعاء طلقو عليه هضرة ويبغاو ينوضو ليه صداع فلمدينة اللّي كيسيّر مع وزير الاقتصاد والمالية محمد بوسعيد. راجت أخبار بقوة أن الوزير بوسعيد هاجم عمدة العاصمة العلمية، فواحد المنتدى "فاشل" ديال غرفة التجارة بفاس، وذهبت هذه الأخبار إلى أن بوسعيد خاطب الأزمي أمام والي جهة فاسمكناس ورئيس الجهة وعدد من المسؤولين: "واش عاد نضتو تهضرو على هاد لمدينة وهادي سنوات مدرتو والو والمعامل الصناعية كولها مشدودة وزيد وزيد…". هاد كولو صدق كذوب ف كذوب. وقال الأزمي، في تصريح ل"كود": "كنديو أمور إيجاية وكيتفاعلو مع الناس بطرق ايجابية وانا غادي نقول لهادو اللي كيطلقو هاد الاخبار حسبي الله ونعم الوكيل وغادي نبقاو خدّامين صادمين صابرين وكنتقاتلو بلكلاوي ديالنا". وأضاف الأزمي ل"كود"، قائلاً: "أول مرة كنشوفو دعم مختلف الفاعلين لهاد لمدينة والحمد لله غاديين فنفس الاتجاه وحاصين على جلب الاستثمار وسي بوسعيد اهضر وقال ان هاد لمدينة كانت مدينة صناعية بامتياز وراه حشومة وعار يطلقو ناس هضرة مكايناش وهذا كان لابس نظارات كوحل أو عينيه مسدودين". الأزمي وهو يتحدث بنبرات لا تخلو من التأثر أنهى حديثه مع "كود" بالقول: "والله سننحج وغاديين فأحسن حال وأحب من أحب وكره وكره وغادي نبقاو حارصين ووخا يضربو باش ما بغاو وكنعرفو غير الخدمة والخدمة بالنية وحتى الحكومة باغية تعاونا وغادي نرجعو لفاس المجد ديالها الصناعي وكولشي غادي فنفس الاتجاه".
