هاد الفقرة فبلاغ المجلس الوزاري اللي غادية تفك البلوكاج الحكومي فهاد اليومين

بيان المجلس الوزاري الصادر اليوم الثلاثاء بعد ترؤس الملك محمد السادس لمجلس لوزراء بمراكش وخصص للمصادقة للمصادقة على القانون التأسيسي للاتحاد الإفريقي الموقع بلومي في 11 يوليوز 2000 ، وبروتوكول التعديلات المتعلق به، وعلى مشروع القانون الذي يصادق بموجبه على القانون المذكور٬ فيه عبارة فيها ان البلوكاج الحكومي خاصو يسالي فاقرب وقت،
هاد الاشارة واضحة باينة. فقد جاء فيه "وحرصا من الملك على استكمال المساطر القانونية، فقد أكد الملك على ضرورة تسريع مسطرة المصادقة على القانون التأسيسي للاتحاد الإفريقي، بما في ذلك اعتماده من طرف مجلسي البرلمان". بعملية حسابية المغرب خاصو يمشي للاتحاد الافريقي في اجتماعه المقبل باديس ابيبا باثيوبيا يوم 30 يناير وحنا يوم عاشر يناير. باقية لهاد التاريخ 20 يوم. فهاد المدة خاص اجتماع مجلس النواب٫ طبعا صعيبة بزاف ينعقد بلا ما تشكل الحكومة واخا كاينة جهات كتكول علاش ما ينعاقدش.
وعليه فان تشكيل الحكومة بات ضرورة فهاد اليومين. حتى ولو تمت الدعوة لانعقاد مجلس النواب بدون تشكيل الحكومة فهادا غادي يكون مشكلة كبيرة سياسية ما غاديش يحل الازمة الحكومية.