ها اللي غادي يتقولب فالبيعة والشرية ديال الحكومة: الحركة الشعبية والاتحاد الدستوري ما غادينش يدخلو واخا لاصقين فالاحرار

علمت "كود" ان رئيس الحكومة عبد الاله بنكيران سيشكل حكومته بعد توصله باتفاق مع الاحزاب لتشكيل اغلبيته. بنكيران وفق مصدر "كود" يرغب في اشراك التجمع الوطني للاحرار ولكن بدون شروط مسبقة. المصدر نفسه ذهب الى انه في حالة الاعلان الرسمي لحزب الاتحاد الاشتراكي على المشاركة وعندو اللجنة الادارية السبت المقبل قد يتم تطعيم الاغلبية مع التجمع الوطني للاحرار.
هنا غادي يوقع مشكل ماشي للحكومة ولكن للاحزاب اللي ربطات مشاركتها بدخول التجمع الوطني للاحرار. القانون واضح يشرح مصدر "كود" فبنكيران يفاوض الاحزاب بناء على نتائجها في الانتخابات التشريعية لسابع اكتوبر ماشي بعد تحالفها. هاد التحالف ما كيعنيش شي حاجة فالحكومة وعليه توقعت مصادر "كود" ان لا يغلق الباب امام محاند العنصر ديال الحركة ومحمد ساجيد ديال الاتحاد الدستوري.