ها علاش كيتوالدو عندنا الطغاة. كاليك جمعية حقوقية اعتبرات يحضيه والي العيون رجل دولة: غير كولو لينا اش دار هاد يحضيه للمدينة اللي غرقات وتحاصرات

ساهلة يتوالدو عندنا الديكتاتوريين فالمغرب، كاينة التربة. العيون حوصرت وقطعت عن العالم واكتشفنا ان الملايير التي استتثمرت في الصحراء مشات تحت رمالها وقلبو على اللي داها راه ساهل تعرفوه، هاد الشي كلو ناضت شي جمعية كالت انها حقوقية وما عمرنا سمعناها فقضايا حقوق الانسان الكثيرة في المنطقة ونشرت لافتة كتب عليها ان بوشعاب يحضيه الحسني والي جهة العيون الساقية الحمراء رجل دولة بامتياز كاع. علاش هاد الرجلة؟ كاليك حقاش خدم مزيان فالفيضانات.
غير كولو لينا اش دار هاد بوشعاب من غير نهار دارو شي تخربيقة على المناخ وكوب 22 جاب ولد قبيلتو باش يحاضر. راه خاص محاسبتو ومحاسبة امثالو على ما حدث فالصحرا، كيفاش تقطع على العالم كيفاش فيضان واد دار هاد الحالة.
هاد بوشعاب راه مسؤول بحالو بحال منتخبين ورئيس المجلس البلدي فالعيون ورئيس الجهة والبرلمانيين والحكومة على ما حدث. باراك عليه خدا منصب كبر منو باغيين ترجعو منو ديكتاتور وبزاف