الروينة فشارع المال فكازا. مطاردة امنية واغماءات وفوضى واختناق مروري كبير جدا من شعاراتهم: اعطيني رزقي وا المخزن ما بقيتيش كتخلع

يعيش شارع الجيش الملكي وسط الدار البيضاء قبل قليل حالة كبيرة من الفوضى بسبب مطاردات امنية لعمال شركة الصلب ديال السقاط "ستيل". وقد تمت المطاردة كما عاينتها "كود" من امام مقر الولاية الى مقر البنك المغربي للتجارة الخارجية اللي كاين فسبع شوانط.
وقد تدخلت القوات العمومية بقوة وبعنف وحدثت اغماءات بين المتظاهرين اللي بغاو يستمرو فاعتصامهم. الناس فهاد الشارع المعروف بشارع المال حقاش كلشي الابناك عندها مقر فيه، تالفة وفوضى كبيرة واختناق مروري. باختصار الروينة وصافي.
العمال البالغ عددهم 150 شخاص مصعدين اذ رفعوا شعارات منها "وا المخزن ما بقيتيش كتخلع" ثم "اعطيني رزقي". هاد الناس كيطالبو بمستحقاتهم ما ظهر في وقت سابق في لافتات حملوها