شوفو شوهتنا مع سفيرنا فواشنطن اللي ما فيدوش اصلا. كيخرق القانون الامريكي وها هلاش

قضية ضياع 20 الف اورو من حقيبة سفيرنا في واشنطن محمد رشاد بوهلال بينات الديبلوماسية ديالنا اللي كتخرق القانون. السيد ضيع باش كان ف"لونج" الخطوط الجوية الفرنسية بمطار شارل دوغول اول امس الاربعاء 20 الف اورو وبلغ عليها البوليس.
القضية نشراتها كل الصحف بعد قصاصة لوكالة الانباء الفرنسية من الصحف الفرنسية حتى البريطانية. المشكلة ان سفيرنا ما عندوش الحق يدي معاه اكثر من 10 الاف دولار وفوقها ايلى ما بلغش عليها يعتبر "مخالفة فيدرالية". يعني ان السفير ديالنا كان غادي يحصل فالمطار ولا كان غادي يدخل لفلوس ضدا عن القانون.
وشفتو باش محزمين واش من ديبلوماسية عندنا. كيفاش يسمح لسفير يكون فجيبو هاد المبلغ كلو. تحويل راتبو كيمشي ليه بشكل رسمي وتعويضاتو حتى هي وخلاص الناس كيتحول ليهم اذن اش كيدير بهاد الفلوس ثم واش هاد السفير مسؤول يدي كاع هاد لفلوس ويورط دولتو كلها