نايضة على بدر هاري فالفايسبوك. ماشي بسباب الحكم الهولندي بل لتماديه وضربه لموظف إستقبالات بطريقة مهينة (فيديو الحادث)

بدر هاري بطل مغربي ورفع الراية ديال المغرب عالية، وأكثر من هادشي كايدير الخير وكيفرق الخرفان وكيساعد الناس، وكايدير إشهار رائع للمغرب بإستدعاءه لنجوم العالم إلى مراكش وأكادير.
تا واحد ما يقد يجادل فهادشي، ولكن الفيديو لي داير هاد النهار فالفايسبوك خلا نشطاء العالم الازرق كاعيين عليه بزاف، بسباب الحكرة لي مارسها على موظف إستقبالات فأحد فنادق الدار البيضاء.
هاري لي قدم صورة رائعة للمغرب ودارلو إشهار زوين، كحل الدوسي ديالو مع لمغاربة بسبب التهور لي كيمتاز بيه البطل العالمي، وهاد الحكرة لي مارسها على الموظف المغربي راه غير لبارح مع الثانية ليلا، وهادشي لي خلا نشطاء يتضامنو معاه بسبب الحكم عليه بسنتين سجنا 10 أشهر منها موقوفة التنفيذ، وآخرين يهاجموه بشكل حاد لأ الحق حسبهم لا يسكت عليه ولو في المصائب.