سير أسي منصف بلخياط لهلا يخطيك علينا وخلاص. عرفتي علاش.. لأنك درتي أحسن حاجة وهي أنك رجعتي تتواصل مع المغاربة في "الفايس". الوزير السابق للشباب والرياضة لي حرمنا من الطلة ديالو منذ مغادرته الحكومة، عندو واحد الفضل كبير على سكان كوكب موقع التواصل الاجتماعي "فايسبوك"، لأنه فوج عليهم، بلا ما يخطط للأمر، بإطلاق مسابقة "أحسن تعليق" على الفيديو لي دارو في الصفحة ديالو للترويج لخوضه غمار الانتخابات. هاد المسابقة احتل المرتبة الأولى فيها "فيسبوكي" سميتو أحمد (أ)، لي كتب في تعليق على الفيديو "عمري سبيت شي واحد لكن انت غادي تكون استثناء حيت بحالك ماصالحش معاهم الهدرة…………. قالك السياسة بشكل مختلف طززززز".
الفيديو لي لاحو منصف بلخياط منذ 20 ساعة تقريبا، متشافش بزاف، لأن "الفايسبوكيين" مدخلوش باش يتصنتو ليه آش كيقول، ولكن هبطو ديريكت للتعاليق باش يقراو آش تكتب عليه.
وهادي حاجة منصحوش بها قراءنا لأن التعليقات كانت أغلبها جارحة، وأقلها تجريحا جاء فيه "وجه الله مجلس فدارك و صور طرف د الخبز ل وليداتك فخدمتك … فوت عليك المسؤوليات راك مدرتي فيها مايليييق"، و"مكرهناش شي عرس مضخم (لخبار فراسك)"، و"شي عراسية لخوادري تاني ولا كيفاش ماغاتشوفو من عندي غا……….".
