يوسف النصيري تألق تاني وماركا لإشبيلية فديربي الأندلس

تألق الدولي المغربي يوسف النصيري مع إشبيلية الإسباني وماركا هدف جديد للفريق، فالماتش اللي بادي دابا من اليوم الاحد ضد غرناطة، ضمن الدورة 34 من بطولة الصبليون.
ومتقدمين إشبيلية بنتيجة 2 أهداف لزيرو على غرناطة، وسجل ماركوس أوكونيا الهدف الأول فالدقيقة 11، وزاد يوسف النصيري الهدف الثاني فالدقيقة 51، وهذا هو الهدف 13 للنجم المغربي فلاليگا هذا الموسم مع فريق كيعاني بزاف خصوصا ملي مشى عليه الكول المغربي الاخر ياسين بونو.
وبفضل المستوى المزيان ديال يوسف النصيري قدرو إشبيلية يهربو من مراكز الخطر بعدما كانو من المهددين باش يطيحو للقسم الثاني، وفحالة كمل الفريق بهاد الرباح غاتولي عندو 41 نقطة وغايطلع من المركز 13 إلى المركز 11.