يوسف النصيري ضربها مرة أخرى مانشيستر يونايتيد

تألق الدولي المغربي يوسف النصيري من جديد مع إشبيلة الإسباني، وماركا له مرة أخرى على مانشيستر يونايتيد الانجليزي فالماتش ديال الفريقين اللي بادي دابا، برسم إياب ربع نهائي الدوري الأوروبي.
ومن بعدما ماركا فماتش الذهاب على مانشيستر يونايتيد بطريقة غير مباشرة حيث الكرة ضربت في ماكوايير مدافع الفريق الانجليزي وتسجل الهدف الثاني ديال التعادل لإشبيلية، هذه المرة النصيري ماركا هدف التقدم نيشان للفريق الأندلسي، ومع الدقائق الأولى المباراة استغل خطأ جديد ديال المدافع ماكوايير وضغط عليه وضرب الكرة ديريكت للمرمى ديال كول المان يونايتيد ديخيا.
إشبيلية الإسباني وإلى حدود الآن، هو اللي مؤهل إلى دومي فينال الدوري الأوروبي بفضل هدف يوسف النصيري حيث مجموع المبارتين هو 3 مقابل 1 للفريق الإسباني، في انتظار باقي أطوار الماتش اللي كيعرف أيضا مشاركة الدولي المغربي الأخر ياسين بونو كول إشبيلية.