النصيري محيح على مانشستر سيتي وضرب عليهم هدف عالمي وبونو زامطهم

كيواصلو المغربيين يوسف النصيري وياسين بونو التألق فسماء الكرة العالمية، ومحيحين فماتش فريقهم إشبيلية الاسباني ومانشستر سيتي الانجليزي فالفينال ديال السوبر الاوربي اللي بادي دابا بين الفريقين من عشية اليوم الاربعاء باليونان.
وقدر يوسف النصيري يعطي التقدم فالماتش لاشبيلية الاسباني وضرب هدف واعر على مانشستر سيتي فالدقيقة 26، بعدما تهز فوق المدافعين وضرب الكرة بالراس للشبكة وخلا المدافيعين كيتفرجو لا حول ولا قوة لهم.
وبالمقابل، راه ياسين بونو عطى لاشبيلية الثقة فالدقائق الاولى من الماتش، بعدما تصدى لجوج كرات خطيرة على الاقل ديال مانشستر سيتي، ما يجبدهمش أي كول.