الوداد خرجو خاسرين مع كلاكسي البوتسواني بطريقة غريبة

متأخر الوداد الرياضي فالماتش ديالو امام كلاكسي البوتسواني، وهو الماتش اللي بادي اليوم السبت فتيران مراكش الكبير، ضمن الجولة الاولى من دور مجموعات دوري أبطال افريقيا.
وسالا الشوط الاول من ماتش الوداد الرياضي وكلاكسي البوتسواني لمصلحة الأخير بنتيجة واحد لزيرو، من تسجيل اللاعب ديالو سيسينيي فالدقيقة 34، بعدما استغل خطأ كارثي من الودادي عبد الله حيمود اللي رجع كورة ناقصة للكول يوسف المطيع، ولكن قطعها المهاجم البوتسواني ونقلها فوق الكول الودادي بذكاء ومشات نيشان للشبكة.
لاعبين الوداد الرياضي ضيعو بزاف ديال الكواري فالشوط الاول وفرص بالجملة اللي ماضيعش، ولكن التسرع وقلة التركيز ضيع على اللاعبين ديالو تسجيل البيوتا، وهدف البوتسوانين جا كعقاب لهم باش يراجعو ريوسهم بين الشوطين ويبداو الشوط الثاني مزيان، ويضربو التعادل وعلاش لا يزيدو اهداف الرباح، واخا المهمة غتكون صعيبة مع لاعبين كلاكسي اللي غيزيدو يرجعو للور ويبقاو يطيحو باش يضيعو الوقت، ولا يديرو شي مفاجأة ثاني بشي كونطر أطاك.