قبل ساعات من الماتش: نهضة بركان مازال كيتسناو فلوطيل والجزائر ضاربين الطم

مازال كيتسناو نهضة بركان، ممثل المغرب فكأس الكونفدرالية الأفريقية، السلطات الجزائرية تنفذ قرار الاتحاد الأفريقي لكرة القدم، وترجع التونيات للفريق المغربي باش يلعب ماتش ذهاب الدومي فينال ضد اتحاد العاصمة اللي محدد له يبدا مع 8 الليل من اليوم الاحد.
فريق نهضة بركان وقبل ساعات من ماتش الدومي فينال ديال كأس الكونفدرالية الأفريقية، مازال فلوطيل كيتسناو فالتونيات ديالهم باش غيلعبو الماتش حسب قرار الاتحاد الأفريقي، والسلطات الجزائرية مازال ما دارت حتى شي خطوة تبين من خلالها أنها مستعدة ترجع التونيات للفريق البرتقالي.
الاتصالات كاينة ديما ما بين نهضة بركان والجامعة الملكية المغربية لكرة القدم مع الاتحاد الإفريقي لكرة القدم، فالوقت اللي كيحاول فيه الأخير يلقى حل مع الجزائريين ولكن ما كاينش شي جواب من طرف الاتحاد الجزائري لكرة القدم وفريق اتحاد العاصمة اللي مهدد باش يخسر الماتش فحالة السلطات الجزائرية ما رجعوش التونيات لنهضة بركان.