فعملية مشتركة بين الجدارمية ديالنا ولاگوارديا سيپيل تشدو 9 ديال المشتبه بهم بسباب تهريب الحشيش ف إيليكوبترات

أسفرت عملية مشتركة بين الجدارمية ديالنا ولاگوارديا سيپيل، عن تفكيك ريزو إجرامي متخصص ف الاتجار الدولي بالحشيش. واستخدم هاذ الريزو إيليكوبترات لتأمين "رحلات المخدرات" من المغرب إلى إسبانيا. العملية اللي تسمات ب (Torcal 469 Tornado)، تم خلالها القبض على 9 ديال المشتبه بهم.
وحسب تقارير إخبارية، من بين الموقوفين 2 بيلوطات متخصصين ف الطيران الليلي وعلى ارتفاعات منخفضة. وبدا التحقيق ف القضية ف 2023، بعد رصد عضو ف الريزو كيقلب على طيارين قادرين على القيام برحلات جوية بين إسبانيا والمغرب. وبعد أشهر من الرصد، تم التأكد من أن الشبكة عندها 2 ديال إيليكوبترات ف إشبيلية و قادس، ف فيرمات ديال زعيم الشبكة الإجرامية.