لجنة الأخلاقيات عيطت لزينباور والسكتيوي حيث تشادو فماتش الرجا والماص وها إمتى غيدوزو عندها

غيدوز الألماني جوزيف زينباور مدرب الرجاء الرياضي ومدرب المنتخب الأولمبي طارق السكتيوي عند لجنة الأخلاقيات التابعة للجامعة الملكية المغربية لكرة القدم، حيث كانو تشادو ملي سالا ماتش الخضرا ضد المغرب الفاسي قبل أسابيع ملي كان السكتيوي مدرب ديال الماص.
وحسب مصادر جيدة الاطلاع، فتم استدعاء كل من الألماني جوزيف زينباور مدرب الرجاء الرياضي وطارق السكتيوي مدرب المنتخب الاولمبي (المدرب السابق للماص) باش يدوزو قدام لجنة الأخلاقيات الثلاثاء الجاي، بغرض الاستماع لهم بجوج فالواقعة ديال المشادة اللي تشادو ملي سالا ماتش الرجاء الرياضي والمغرب الفاسي فتيران برشيد برسم الدورة 18 من البطولة الاحترافية.
للإشارة وبمجرد ما تشاد جوزيف زينباور وطارق السكتيوي وهما يتدخلو اللاعبين وفكوهم، مع العلم أن السكتيوي مشى من المغرب الفاسي الخميس اللي فات، وتعين مدرب للمنتخب المغربي الأولمبي، أما زينباور راه مازال مدرب ديال الرجاء الرياضي.